ابڙو اڪيڊمي Abro Academy
2020-07-19
داخلا نمبر 585
عنوان ملهالو (ڪاري پٺيءَ وارو ٻوڙو)
شاخ پکي
پڙهيو ويو 337
داخلا جو حوالو:
ملهالو (ڪاري پٺيءَ وارو ٻوڙو)
17 سينٽي ميٽر ڊگهو هي ملهالو ڪافي سهڻو ٿئي ٿو. ڪاري پيشانيءَ سان اک کان ڪياڙيءَ تائين هيٺ وريل ڪارو پٽو هوندو اٿس. مٿو سرمائي، پَـر سروٽي ڳاڙها ۽ پَـرن جا ٻاهريان پاسا هيڊين لِيڪن سان ڪارا هوندا اٿس. پيٽ جو رنگ هلڪو سرمائي ۽ پڇ جو آخري اڌ ڳاڙهسرو ڪارو ٿئيس ٿو. پَـرن تي ٻنهي پاسي هڪ هڪ اڇو چُٽو به ٿئيس ٿو. کليل ميدانن يا پوکن ۾ نظر ايندو آهي. هيٺاهين سڌي اڏار اڏرندو آهي ۽ ڪنهن وڻ جي ٽاري يا تار تي ويهڻ لاءِ خاص قسم جي هڪ اوچتي گُهت هڻندو آهي. هن ملهالي جو تعلق ماحول : 3 سان آهي ۽ اتر اوڀر هندستان ۽ سري لنڪا کانسواءِ سڄي هندستان ۾ ملي ٿو.